Davao City – Mitunol og financial assistance ang City Government of Davao ngadto sa mga indibidwal nga boluntaryong midemolish sa ilang panimalay atol sa pag demolish sa mga iligal nga istruktura ug gikonsiderang danger zone area sa Barangay 40-D ning dakbayan sa Dabaw.
Atol sa interview ni Davao City Mayor Inday Sara Duterte-Carpio muhatag og 20, 000 pesos cash assistance ang gobyerno ngadto sa mga pamilya.
Dugang sa Mayor dako kini og ikatabang alang sa mga materyales nga ilang gamiton sa pagtukod og bag-ong balay o bin ba kaha ibayad kung murenta man kini og kapuy-anan.
Kahinumduman giuna og demolish ang maong mga panimalay sa nasangpit nga barangay gumikan kini ang una nga maigo kung mahugno man ang tulay tungod sa sobra ka kusog nga bul-og sa tubig sa kasapaan o bin ba kaha kusog nga pag linog.
Nasayran nga ganinang alas-2 sa kahaponon gitunol ang financial assistance sa 143 ka mga pamilya sa usa ka dakong mall sa may Quimpo Boulevard ning dakbayan sa Dabaw.
RadyoMaN Abi Bibera
