Table official sa basketball, arestado sa buy-bust operation sa Numancia

49

Numancia, Aklan – Arestado rong sangka table official sa basketball sa ginpatigayon nga buy-bust operation kaina it hapon sa Briones St., Poblacion, Numancia, Aklan.
Rong suspek nakilaea kay Omar Caynap Bacota alyas “Mar”, 45-anyos ag residente it Brgy. Dongon East sa nasambit nga banwa.
Gin aresto ro nasambit nga persona ko mga taga PDEU-Aklan, PDEA6, HGP-Aklan, PIS-Aklan PPO ag Numancia PNP matapos nga mabakean it daywa ka mga plastic sachet it suspected shabu kabaylo it P 3,000.00 nga buy-bust money mga 200 metros halin sa Numancia PNP partikular sa sangka bilyaran.
Suno kay PMaj. Frensy Andrade it PDEU nga bago maaresto si Bacota kaina hay kapin sa tatlong dominggo man nanda nga ginpaidaeom sa monitoring.
Dugang pa nana nga kabii kunta ro transaction ugaling uwa raya magpakita.
Dati man eon nga nadakpan rayang suspek sa kaparehong kaso ag nahakulong it may 6 nga dag-on, sangka drug surrenderee man ag nakatapos man eon sa CBRP.
Nasayauran nga sa pag aresto kaina kay Bacota hay nakipagbuno pa raya sa mga pulis rason nga may natabo nga pagdueomogan.
Ro nasambit nga suspek hay temporary detained sa lock up cell it Numancia PNP ag magapangatubang it kasong pagbayolar sa R.A. 9165 ukon Comprehensive Dangerous Drug Act of 2002.

Facebook Comments