Hustisya singgit sa pamilya sa shooting victim

115

Davao City – Gikasubo sa pamilya ang kalit nga kamatayon sa ilang minahal sa kinabuhi nga gipusil-patay giilang si Alison Cugay, 68 anyos, taga-Barangay Lapu Lapu, ning syudad.

Sa esklusibong interview sa DXDC RMN Davao kang Lourdes Quilaton, live-in partner sa biktima, siya nagkanayon nga hustisya karon ang singgit sa ilang pamilya.


Matud ni Quilaton, wala silay nasayran nga nakaaway sa iyang partner ingon man wala kiniy nadawat nga hulga sa iyang kinabuhi.

Sumala ni Major Michael Uyanguren, Station Commander sa Police Precint No. 1, migula sa police investigation nga gikan pa sa sabungan ang biktima diin samtang nagbaklay kini, kalit kining gipusil sa usa ka babaye gamit ang .45 cal. pistol tumong sa nagkadaiyang parte sa lawas resulta sa iyang hinanaling kamatayon.

Dugang ni Uyanguren nga wala pa ma-identipika ang suspect nga mitiro sa biktima ug nagpabilin pa nga gawasnon gihapon karong panahona.

Ang patayng lawas sa biktima gidala na sa Rivera Funeral Parlor, Panacan, ning dakbyan.

RadyoMan Don Pulayao

Facebook Comments