Tacloban City Government naghimo hin mobile application kontra droga, kriminalidad ngan korapsyon

Nagmugna an City Government han Tacloban hin Anti-Illegal drugs, criminality and corrupt mobile application nga magagamit han mga residente para mas mapaayos an peace and order situation han Syudad.

Sumala kan Tacloban City Mayor Cristina Romualdez, an City Management Infomration System Division an nag develop hini nga mobile app kumo bag-o nga mekanismo para makapag report an mga residente bahin hiton illegal nga droga, krimen ngan corruption nga nahihinabo ha Syudad.

Gin ngaranan ini nga MASA MASID App o kun Mamamayang ayaw sa Anomalya, Mamamayang ayaw sa Illegal na Droga mobile application.


Ginsigurado han syudad nga protektado an seguridad han tawo nga nagrereport kay diri ini makikilal-an gamit hini nga app.

An MASA MASID app in mada download pinaagi han pagbisita ha Local Government Official site an tacloban.gov.ph

Halimbawa may magreport, magseserbe ini nga application kumo text alert system ngadto ha mga otoridad sugad han PNP, PDEA ngan DILG.

Kinahanglan la nga ig describe han nagrereport an eksakto nga insidente, address o kun barangay ngan krimen nga ginbubuhat.

Siring ni Romualdez, pinaagi hini nga application damo nga kinabuhi an masasalbar.

Facebook Comments