Nakabaton sang 780 vials sang Pfizer vaccine “COMIRNATY” ang Tacurong City, matapos nga nakabakal sang 2 ka sub-zero freezers ang Local Government Unit (LGU) nga makaakumudar sang temperature-sensitive vaccines.
Ang Tacurong City suno pa ang pinakauna nga LGU sa Sultan Kudarat Province ang nakabaton sang alokasyon sang nasambit nga Pfizer vaccine.
Nahibaluan nga ginprayoridad ni City Mayor Lino O. Montilla ang pagbakal sang nasambit nga freezers agud nga malab-ot ang kondisyon sang DOH para maalokaran ang Tacurong City sang Pfizer kag Moderna vaccines nga nagakinahanglan sang -90 to -60 degree Celsius nga storage temperature.
Para naman sa 1st kag 2nd dose sang mga yara sa A1-A3 Priority Groups ang maturukan sang nasambit nga Pfizer vaccine sa diin ang kada vial ang may –yara sang 6 doses.
May-angot sini, 2,340 ka mga indibidwal ang mangin fully-vaccinated sang COMIRNATY vaccine.
