Dida han nakalabay nga Dominggo, August 27,2023, gindumara an magkalain nga groundbreaking ceremomy han mao nga mga proyekto nga ginpondohan ipinaagi han 4ps partylist ha pangunguna ni Congressman Marcelino Libanan.
Presente ha magkalain nga aktibidad hira Taft Mayor Gina Alzate- Ty ngan Can-avid Mayor Vilma Germino.
“This is a realization of our long time dream nga maliliwan na an aton munisipyo after 55 years.This municipal building is a symbol of our service for our people. Salamat Cong.Libanan para ha pondo hini nga proyekto,” pulong ni Mayor Alzate-Ty.
“Iton aton munisipyo senior citizen na. Mayda na portion nga naturo na. Sanglit, napapanahon na ngan angay la kita magkaada hin mahusay ngan maanyag nga munisipyo”, pahayag ni Mayor Germino
Sumala naman kan Cong. Libanan, an pagtindog han duha nga municipal hall in simbolo han dedikasyon ha pag-uswag ngan pagbag-o. Ine daw gihapon in pasabot nga andam mag-invest an gobyerno para ha kahubuwason han mga mulupyo.
“Maraming salamat po sa ating mga katuwang sa pagsasakatuparan ng proyektong ito, Ipinagmamalaki natin ang pagkakaroon ng bagong Municipal Building, ito ay nagpapakita na tayo ay patuloy na umaasenso. Mabuhay tayong lahat!,” siring ni Libanan.
An Department of Public Works and Highways Eastern Samar-DEO an magdudumara nga magmomonitor ha mao nga konstraksyon.
An 3-storey building ha Taft in mayda P30 Million nga inisyal nga pondo nga igbubutang ha 3,360 square meters nga gindonar nga tuna. Ine in pagtitikangan ha Setyembre 11 ngan ginlalauman nga matapos sunod nga tuig.
Samtang, An pagtitindogon naman 4-storey building ha Can-avid in may pondo mga P140-Million.
Ine nga mga proyekto in kinuha an budget ha General Appropriations Act of 2023.
