Midsalip, Zamboanga del Sur- Nakubkuban sa autoridad ang mga tag-as nga Armas nga gitaguan sa New Peoples Army (NPA) diin gilubong didto sa Sitio Pisio, Barangay Balunay, Midsalip, Zamboanga del Sur. Niadtong niaging adlaw sa may alas 10 sa buntag October 14,2020.
Ang mga elemento sa Zamboanga del Sur Provimcial Mobile Force Company, pwersa sa 902nd Regional Mobile Force Battalion-9, Regional Intellegence Unit-9, Midsalip PNP, National Intellegence Coordinating Agency-9 ug ang tropa sa 53rd Infantry Battalion sa maong joint Civil Affairs Operation nahiabot sa nahisgutang lugar.
Pinaagi sa pagsumbong ug giya sa nitahan nga kanhing NPA member nga si a.k.a Bobong naabot ang hinugpong pwersa sa maong lugar nga gilubngan sa maong mga Armas sa mga rebelding NPA. Nakuha ang usa ka M16A1, duha ka AK-47nga dunay unom ka magazines.
Mismong silang A.K.A Bobong nga squad Leader ang naglubong, rason nga dali kining nakuha sa lugar nga utlanan na sa Midsalip ug Siayan Zambonga del Norte.
