Nagpagawas nan video an tag-ija o Chief Executive Officer (CEO) nan D’ Pearl Express Transport Corp.na si Engr. Dionesio Paler sa nabangga nila na Van sa isa ka 10’wheeler dump truck sa Highway nan Barangay Sta.Ana, lungsod nan Tubay, Agusan del Norte, na miresulta sa pagkamatay sa driver sanan apo sa tag ija lakip an pagkasamad sa iban pa na sakay na kapamilya niini, nan jadton Lunes sa hapon. Sa exclusibo na pakighinabi nan RMN Surigao kan Paler ini mipakita nan video sa insidente pinaagi sa kuha nan dash-camera sa nabangga na Van, na diin didto nakit-an na an Truck sanan an Van nagjagan sa opposite na dayan o linya, sanan an truck may tagsundan na tricycle sa paspas na dyagan ug an tricycle an kalit na mihunong sa highway na nagresulta sa pagbreak nan truck ug tungod sa kadanlog nan dayan waya na macontrol nan driver sa truck an sakyanan ug nidiretso ini sa pikas na linya na amo’y isab pag-abot nan Van na waya na makabreak . Sumaya pa ni Paler na ila tagpagawas an an amo na video para pagpaklaro sa hitabo nan jadton lunes tungod kay napuno nan mga mayaot na komentaryo an driver na namatay.Sumaya pa na sakto ra ang dyagan nan ila driver sa van kay jaoy speed limit an ila mga sakyanan ug tagpaubos sa training an tanan nila na mga drivers. “Kun paspas pa an dyagan sa Van ug kusog pato nga impact mahilabog tana tanan pasahero pasingud sa atubangan nan Van,” depensa ni Paler. Over speeding jud ang dumptruck ug kining mga tricycle sab anha sa tunga sa karsada mohunong,pag brake sa driver gumikan kay kusog didto na sa among lane mi babag, malas jud kaayo among pamilya ang sakay [adto nga time]. Gikompirma ni Paler na kahapon sa buntag(June 5) may inquest proceedings na nga gisang-at nila batok sa driver nan dumptrruck na si Glicer Sibay pero sumaya pa nan ini, abri isab sila kon ugaling man makig-areglo an hingtundan. “Dili naman jud mabalik ang kinabuhi bisan kon mag antus pa ang driver sa prisohan– open rako nga magsabot lang provided dili mi madehado, labi na ang hingtungdan sa mga namatay ug mga na angol. Pero kon wala silay action nga himoon, pasakahan namo sila ug kaso labi na kay ang ilang sakyanan expired ang rehistro,” sumaya pa ni Engr. Paler. Nahibaw-an nan RMN Surigao na an iban pa na mga sakay sa amo na Van an jaon padajon gihapon tagtambayan, apil an kwatro anyos na bata, pero laju na sa kritikal na sitwasyon. Nagmalaumon an kadumayahan nan D’Pearl Express na malampasan nila ini na pagsulay sanan an pagbalik sa ila biyahi tungod kay nagtoo sila na arang sab an ila nahatagan nan marajaw na serbisyo sukad sila nagsugod sa pagbiyahi Surigao Butuan Vice Versa.
