General Santos City–Padayon pang gina-ila karon sa Police Station 3 kung kinsa ang tag-iya sa 93 ka sako nga uling nga ilang nakumpiska niadtong milabay nga adlaw sa boundery sa barangay Ligaya, Gensan ug Alabel, Sarangani Province.
Sumala pa ni Police Lieutenant Felix Minion III, ang Deputy Chief Of Police sa Police Station 3 nga sa karon aduna na silay nadungog nga mga pangalan nga posibleng tag-iya sa nakumpiskang sinakong uling apan padayon pa silang nagapangalap ug ibidensya aron nga makapasaka ug kaso batok sa nasangpit.
Kung kahinumduman nga niadtong Domingo sa buntag nakadawat ug report ang kapulisan kabahin na sa mga katikaran sa mga lalaki nga nagdiskarga matud pa ug uling hinungdan nga gi-operasyonan apan pag-abot sa maong lugar paspas nga nakadagan ang mga nahisgutan.
Sa karon nakakustudiya ang mga sinakong uling sa Police Station 3 ug gipasa na matud pa nila ang report sa opisina sa CENRO-Gensan aron usab nga ma-turn-over ang maong mga uling.(CDS)
