Sumala ni Traffic Investigator Police Sergeant Tumandog, gikonpirma sa asawa nga ipailawom sa operasyon ang iyang bana nga si Romeo Pabroa, hingkod ang edad, nagpuyo sa Tulip Drive, Matina, human nabali ang walang tiil niini.
Matud ni Tumandog, pauli na gikan sa trabahoan sa Binugao, Toril ang biktima sakay sa motorseklo sa dihang pag-abot sa Lizada, ang giingong mibangga sa gisundang truck nga gipanag-iyahan sa usa ka Equipment Rental nga gimaniho ni Gilbert Lantad.
Tungod sa impact natumba ug nabunal sa simento ang biktima nga resulta sa pagkabali sa tiil niini.
Gibutyag sa Traffic Investigator, gikatakda mag-negotiate ang pamilya sa biktima ug tag-iya sa truck hinoon, andam motabang ang tag-iya sa posibleng mahimong gastohanan sa biktima sa hospital. Giangkon sa asawa nga naka-inom ang iyang bana sa dihang nag-drive sa motorseklo dugang ni Tumandog.
RadyoMaN Joel Viray
