Nagpasalig ang tag-iya sang Akhira Frozen Foods nga si Joselor Jaleco nga maghatag sang pinansyal nga bulig sa ila 18 anyos nga trabahador nga napatay matapos nagsulod ang katunga sang iya lawas sa mixer machine sa Mansaya, Lapuz kahapon sang aga , Hunyo 22.
Nagapati si Jaleco nga wala sang foul play sa kamatayon ni Jomar Junco.
Ginpahayag ni Jaleco nga mabuot man ang pagkakilala niya sa biktima apang natingala siya kon ngaa nakalab-ot sa makina si Jomar apisar na-assign ini sa repacking kag sealing sang frozen foods bangud bag-uhanon pa lamang ini.
Nahibaluan nga duha pa lamang ka semana nga nagatrabaho sa Akhira Frozen Foods ang biktima.
Facebook Comments
