tulo ka call center agent, patay human mawad-an og preno ang gisakyang van, sa probinsiya sa Camiguin

88

Patay ang tulo ka call center agent, human mawad-an og preno ang gisakyang van sa sitio Quipasa, Barangay Poblacion Mambajao Camiguin  Sabado sa hapon.

Matud ni Police Staff Sergeant Jimmy Raagas, sa Mambajao Municipal Police Station-  naila ang mga biktimang namatay nga sila si Julie Anne Mae Oliva- dalaga, legal age, Ian Jumahalili, legal age, ulitawo, ug Jobert de Asis, legal age pulos taga Davao City.


Nasayran nga nag team building sa Camiguin ang grupo dihang nawad-an og preno ang gisakyang van, hinungdan nga gihulog na lang sa drayber ang ligid sa kanal,  apan tungod sa kakusog sa impact, mitikalbong ug mibangga sa lubi.

Nadala sa hospital ang uban pang sakay sa van nga nailang sila si Erick opao, 38 anyos, Jeffrey Golingay, 33 anyos , minyo, Miko Golingay, 4 anyos, Ernesto Ong, 24 anyos, Rose Ann Balaba, legal age, Jeffrey Dismass, legal age, Peter Anthony Cantila, 26 anyos, Glyn Ann Sabacahan, 34 anyos, ug Jimmy Vic Morensillo, 21 anyos.

Sa karon temporaryong gikustodiya sa kapolisan ang drayber sa van, alang sa dugang imbestigasyon.

Facebook Comments

From Advertisers