Report ni: Jennifer Palomo Debaja
Patay ang isa ka 31 anyos nga Antiqueña matapos nahulog sa building nga iya gina obrahan kag gina alegar nagsuicide mga takna ala una sang hapon Hulyo 15, 2019 sa 46 Nassau Street, Mei Foo Sun Chuen Estate, Cheung Sha Wan, Kowloon.
Nahibaluan nga tumandok sang Tibiao, Antique ang biktima, dalaga kag apat na katuig nga nagaobra sa amo upod ang tiya sini.
Una nga ginbalita sa lokal newspapers nga naghikog ang biktima tungod sa “relationship problem” apang wala nagapati ang ila kaingud tungod bag-o pa lang ini nga nagbalik halin sa bakasyon.
Sa pahayag sang police spokeswoman wala sang suicide note nga nakita kag gin classify ini nga “falling from a height”.
Sa dugang nga pahayag sang police, isa ka construction worker sa lugar ang naalerto matapos naka bati ini sang mabaskog nga lagabong kag sang ginsekyar ang nahamtangan sang gahud nakit-an sini ang biktima nga naga hayangon na sa pavement.
Gilayon man ini nga nagtawag sang police apang gindeklarar sang responding medics nga dead on the spot ang biktima. Igapaedalum naman sa post mortem examination ang bangkay sang biktima.
