Report ni: Tita Jen Palomo Debaja
Sa panaysayon ni HAZEL CUSTODIO BRAVO, 27 anyos, may bana kag kabataan sang Barrido, Ajuy, malapit na duwa ka tuig ang gina antus nila sang iya upod nga si CRISTINA SEKIN SAMBULA sang Tupi, South Cotabato nga pag pang maltrato sang ila amo nga babaye. Guramos kag tampa ang ila permi gina agum kon may masawayan ini.
Dugang pa ni Hazel, naglala pagid ang kasakitan nga ila gina agum sang gina sipa naman kg tapungol sila sang duwa ka anak sang ila amo. Magluwas sa panakit, halos adlaw-adlaw pa sila ginalagas sang kutsilyo sang isa pa gid sa mga anak sini.
Plano pa sila nga ibaligya sa Saudi rason nga nag panawagan na sila nga e-rescue paagi sa social media. Pito ang kabataan sang mga amo nanday Hazel kag Cristina nga naga edad 16, 15, 13, 10, 7, 3, kag 1yr old.
Suno pagid kay Hazel, ikaduwa na ini ka beses nga nangayo sila sang bulig sa pag panakit sang amo nga babaye.
Sang nagligad nga tuig gin pangimunan man ini sang babaye kag gin sakit. Sang nangayo sila bulig sa agency, ginsilingan sila nga homesick lang ang ila ginabatyag kg agwantahon pa nila kay daku ang bayaran nila sa amo kon maghalin sila. Gindugang pa sang agency wala na labot ang agency kay sobra na kuno sila 3 ka bulan.
Paagi sa aton Kuwait correspondent nga si Catherine Hadcan sang Dumarao Capiz, napalab-ot sa opisyal sang embahada kg Rescue Team ang ila problema.
Sa karon, nagahulat nalang sang Legal nga pag rescue sang embahada sanday Hazel agud maka pauli na ang mga ini sa tagsa nila ka pamilya sa Pilipinas.
