Pagadian City, Zamboanga del Sur- Kasong pagpangawat ang giatubang sa 56 anyos nga lalaki human nasutang kakonsabo sa mga kawatan nga responsable sa pagkuha sa mga alahas dihang dapita sa City Commercial Center (C3) partikyular sa Jas accessories alas 9:15 kaganihang buntag.
Giila ang suspek nga si Allan Samiang Lauban, driver sa pampasaherong van, lumulupyo sa Purok Tukananes, Poblacion 7, Cotabato city.
Sumala sa biktima nga si Cindy Soriano Quiday, dunay mga kauban ang maong suspek diin nagpatoo nga mga costumer. Gilingaw-lingaw matud pa og estorya ang biktima pinaagi sa daghang mga pangutana apan ang mga kauban sa suspek ang mikuha na sa mga alahas nga gitinda.
Malampusong nakuha sa mga suspek ang alahas nga mobalor sa kapin 18 mil. Human sa hitabo daling nisibat ang mga kauban ni Allan ngadto sa wala matino nga lugar.
Sa tabang sa CCTV daling nadakpan si allan nga karun nagtingkagol na sa Pagadian City Police Station Lock-up Cell.
Sa interview sa RMN sa suspek hugot kini nga nihimakak, hinoon misugid nga iya kining binuhatan kaniadto apan hingpit na matud pa siyang nag-usab sa kaugalingon.
