Pilar, Capiz – Patay ang 18 anyos nga soltero, matapos gin-alegar naghikog sa Barangay Yating, Pilar, Capiz. Ginkilala ang biktima sa kay Jason Awsan y Gamgam, residente sang Barangay Lumbia, Estancia, Iloilo apang temporaryo nga nagapuyo sa balay sang iya lola sa Brgy. Yating.
Base sa imbestigasyon sang Pilar PNP, ginpahayag sang lola sang biktima nga 8:30 kahapon sang aga, Pebrero 26, nasapwan sini nga nagakabit na sa balayan sang ila poluy-an gamit ang isa ka electrical cord.
Gintunguhaan pa nga madala sa ospital ang biktima apang gindeklarar ini nga dead on arrival. Nahibaluan nga nagpahayag pa ang biktima sa iya mga himata nga magahikog ini antes nagsulod sa iya kwarto mga alas 10:00 sang Domingo sang gab-i, Pebrero 25, 2018. Lipod sa ihibalo sang mga himata nga pagatu-oron sang biktima nga utason ang kaugalingon nga kabuhi.
*(photo from web)*
