Report ni: Tita Jen Palomo Debaja
Daw maano na gid nga makapauli si Louela Panerio sang Brgy. Madarag San Enrique,Iloilo tungod apisar natapos na ang 2 ka tuig nga kuntrata sa Riyadh,Saudi Arabia, naga pamalibad gihapon ang mga amo nga makapauli siya sa Pilipinas.
Sa panaysayon ni Louela, 2 ka tuig kag pito ka bulan na ini nga naga obra sa mga amo kag sang naglisensiya ini nga magpauli wala na ginhatag ang iya sweldo sa sulod sang apat na ka bulan. Nagsiling man ang amo nga kon mapuli siya, ibuhin sang mga ini ang 2 ka bulan nga sweldo para sa iya ticket.
Paagi sa iya post sa social media, gin palab-ot naton ang iya reklamo sa RMN correspondent sa Riyadh nga si Ms. Elizabeth Magbanua kag natawagan sini ang iya amo kagab-i.
Sa umpisa grabe ang kahadluk ni Louela sang naga singgitan ang amo sa telepono apang nag baylo ang tono sini nga sa pagpati ni Louela nahadlok ipa police o makasuhan ang iya amo.
Daku ang pasalamat ni Louela nga nangako ang iya amo nga papulion na ini pagkatapos sang Ramadan. Dugang pa sini, nagsiling pa ang amo nga ihatag man ang iya sweldo .
Padayon nga iga monitor sang grupo ang kahimtangan ni Louela asta makapauli na ini sa Iloilo.
