TAGTUOHANG NPA UG GINGSAKUPAN SA PHIL. ARMY NAGKA-ENGKUWENTRO SA TAGANAAN, SURIGAO DEL NORTE

TAGTUOHANG NPA UG GINGSAKUPAN SA PHIL. ARMY NAGKA-ENGKUWENTRO SA TAGANAAN, SURIGAO DEL NORTE
Moabot sa kapin kon kuyang 10 ka tagtuohang miyembro sa New People’s Army an naka-engkuwentro nan mga gingsakupan sa 30th Infantry Batallion Phil. Army sa Brgy. Himamaug,Taganaan, Surigao del Norte.
Sa nakuha na impormasyon nan RMN Surigao, alas 10:30 kaganinang buntag samtang nopahigayon nan combat operation ang Bravo Company sa pagpanguna ni 2nd Lt. Wilfredo Quilang naka-engkuwentro nila ang tagtuohang miyembro sa Guerilla Front Committee 16 sa NPA.
Milungtad sa 10 ka minuto an sinukliay sa boto hangtud na miatras an mga rebelde. Wayay mga nasamdan o namatay sa tropa sa gobyerno samtang nohimo pa nan koordinasyon an mga sundalo ngadto sa PNP Taganaan para sa pagpahimutang nan checkpoint ug pagtino sa lain-laing hospital para sa mga naadmit na mga tawo na posible na naigo sa bala partikular na gikan sa habig sa NPA.