Nakakuha ng 266 votes si Cayetano laban sa isa pang nominado sa pagka-Speaker na si Manila Rep. Benny Abante na may 28 votes.
Sina Davao City Rep. Paolo Duterte, Marinduque Rep. Lord Allan Velasco at Leyte Rep. Martin Romualdez ang nag-nominate kay Cayetano habang kay Abante naman ay sina Iloilo Rep. Janet Garin at Ako Bicol Rep. Alfredo Garbin ang nag-nominado.
Matapos ng botohan sa Speaker ay naitalaga naman bilang House Majority Leader si Leyte Rep. Martin Romualdez habang Senior Deputy Majority Leader naman si Cavite Rep. Jesus Crispin Remulla.
Naitalaga naman sa mga magiging Deputy Speakers sina Congs. Paolo Duterte, Rep. Ferdinand Hernandez, Evelina Escudero, Loren Legarda, Conrad Estrella III, Prospero Pichay, Jr., Roberto Puno, Eduardo Villanueva, Aurelio Gonzales, Jr., Johnny Pimentel, at LRay Villafuerte.
Samantala, itinalaga namang House Secretary General si dating DFA Undersecretary Jose Luis Montales habang si dating Police Deputy Director General Ramon Apolinario bilang House Sergeant-at-Arms.
Mauupo namang Chairman ng House Appropriations Committee si Rep. Isidro Ungab at si Rep. Bambol Tolentino bilang chairman ng Accounts Committee.
