Davao City – Nagpahimangno si Davao City Police Office Director Senior Superintendent Alexander Tagum nga i-report dayon kanila kung makadawat man og mga bomb joke o threats pinaagi sa text messages o social media.
Gibatbat ni Tagum nga ila gayod kining panggukdon ang mag-sige og binuang kalabot sa hulga sa seguridad.
“Ang problema daghang gasakay nga mga ‘pranksters’ mentras nga makatabang sa sitwasyon nagapa-worse pa hinuon pinaagi niining bomb joke, we are targeting them now and we will be filing necessary criminal complaints,” matud ni Tagum.
Giawhag ni Tagum ang katawhan nga magdoble igmat ug dili dayon mutuo o mahadlok inay ipaabot dayon sa mga awtoridad aron ila kining ma-trace ang gapadala sa mga mensahe.
RadyoMaN Aimee Guinita
Facebook Comments
