Gibutyag ni Tagum City Mayor Rey Uy atol sa ilang session nga ‘more than qualified’ na ang Tagum nga mamahimong independent city ug ibuwag sa Davao del Norte.
Matud sa mayor nga kaya na sa syudad maglahi tungod kwalipikado na kini gikan sa populasyon hangtod sa local income.
“Ang akong hunahuna, maglahi ta aron di ta madiktahan anang sa probinsya. Kaya man nato maglahi, kaya. Sauna niingon ko nga ayaw kay kinahanglan tabangan nato ng province. Wala may mawala sa atoa. Karon nga nagsamok-samok, sila di man gusto’g progress, di man gusto og ayuda sa mga tawo, we are contemplating,” matud sa mayor.
Subay niini, nanawagan ang Tagumeños ilabi na ang usa ka Syd Vonn nga kung ugaling mahimo mang independent City ang Tagum, unta mu-stable na ang kuryente tungod matud pa adunay investment nga di makasulod gumikan sa unstable nga electric connection.
RadyoMaN Ivy Parido
Facebook Comments
