Davao City – Arestado sa usaka entrapment operation gipahigayon sa National Bureau of Investigation (NBI) Tagum District Office sa may Verallo St., Purok Cherry Blossom, Briz, Barangay East, Tagum City ang usa ka lalaking naga pameke’g NBI clearances.
Giila sa mga awtoridad ang suspect nga usaka Bill Ruiz, 44 anyos, taga-Cabanatuan City, Nueva Ejica.
Sumala ni NBI TAGDO-XI Assistant Regional Director Exzel Hernandez, pasumangil sa dinakpan nga nahimo niya ang maong modus operandi aron maka-recover sa pagkahanaw sa iyang P1-M nga kwarta nga natangag sa investment scam.
Giposasan gilayon ang suspect atol sa pagdawat niini sa gitunol nga P200 sa usaka NBI asset silbing bayad sa fake NBI clearance.
Kasong falsification of public documents ang ipasaka batok sa suspect karong adlawa.
Pahinumdom ni Hernandez ngadto sa publiko nga bugtong ang mga NBI or sattelite offices lamang nila maoy awtorisadong mo-release og clearances.
RadyoMaN Aimee Guinita
