Davao City – Tataw gayod nga adunay respeto ang mga Davaoeños ngadto kang Senador Antonio Trillanes luyo sa pagdeklara kaniya nga ‘persona non grata’ dinhi sa syudad subay sa pagtawag sa Davao isip ‘ the most dangerous city in the Philippines’.
Kini matud ni Davao City Police Office (DCPO) head P/Senior Supt. Alexander Tagum.
“Nakita man siguro nato kung how ‘dangerous’ Davao City is, inspite nga naa siya dinhi wala may nahitabo siguro sa iyaha.
So, sa pag-uli niya sa Manila makaistorya na siya kung unsay peace and order situation sa Davao,” matud ni Tagum.
Segun ni Tagum wala pod silay natalang report nga nambastos o nanlabay og bato ngadto sa senador.
Nipatim-aw sa arraignment proceedings ug mi-plead nga ‘not guilty’ang Senador kagahapong adlawa sa upat ka ihap sa kasong libel nga gipasang-at kaniya nila presidential son Paolo Duterte ug ang bayaw niini nga si Atty. Manases Carpio sa Regional Trial Court (RTC) Branch 54 sa Ecoland, ning syudad sa Davao.
Dinhi sa dakbayan ipahigayon ang pagdungog sa maong mga kaso kontra kang Trillanes busa hugot nga mag-monitor ang DCPO sa mga aktibidad niini aron mamahimo usab kining hapsay.
RadyoMaN Aimee Guinita
