Davao City – Arestado ang lima ka mga indibidwal lakip ang usa ka minor human gi-raid ang usa ka drug den sa Purok 2, Brgy. Madaum, Tagum City nahitabo alas-9:00 sa gabii adlaw’ng Miyerkules, Marso 27.
Mga suspek giila nga sila Joelyn Andoy alyas Ading Rubio, 21 anyos; Ching Uy, 45 anyos; Mark Molina, 20 anyos; Juhaira Ali Racmanpimping, 18 anyos; ug si Alyas John, 14 anyos kinsa pulos taga-Tagum City.
Narekober gikan sa mga dinakpan ang unom ka pakete sa gituohang shabu, 10 ka mga abli na nga pakete nga adunay ilhanan sa shabu, buy-bust money ug uban pang drug paraphernalia.
Temporaryong gidetinir sa Tagum City Police Station ang mga dinakpan kinsa muatubang og kasong kalapasan sa R.A. 9165 kun Comprehensive Dangerous Drugs Act of 2002.
Samtang giturn over sa City Social Welfare Office sa Tagum City si Alyas John alang sa tukmang disposition.
RadyoMaN Jason Amisola
