Davao City – Wala nakigkoordinar ang mga kontraktor sa mga kapulisan ug militar subay sa nahitabong pagpangdabdab sa mga ekipo sa managlahing lugar sa dakbayan niadtong holyweek sa mga gidudahang sakop sa mga teroristang NPA.
Sa interbyu sa DXDC RMN Davao kang Davao City Police Office Director Pssupt Alexander Tagum wala man lamang nagpahibalo sa mga awtoridad ang mga tagdumala diin gipabantang lang didto sa Barangay Callawa sa Buhangin, Barangay Fatima sa Paquibato ug Barangay Dalagdag sa Calinan ang mga heavy construction equipment.
Subay sa gihimong case conference karong adlawa giandam na sa DCPO ang kasong arson batok sa mga responsable sa pagpanunog.
Mobalor ngadto sa 65 milyones ka pesos ang damyos sa mga gipangsunog nga mga ekipo.
Nagpadayon ang gihimong manhunt operation sa armadong kusog ug kapulisan batok sa mga suspek sa pagpanunog.
RadyoMaN Aimee Guinita
