Sa interview sa DXDC RMN Davao kang Tagum PNP Chief of Police Lt.Col.Jeffrey Latayada, nasayran nga duha ka mga indibidwal ang ilang gikunsidera karon nga ‘persons of interest’ sa maong pagpang ransak.
Nagdumili pa si Latayada sa pagbutyag sa identity sa mga suspetsado sa katarongan nga wala pa mahingpit ang ilang gihimong imbestigasyon.
Nagtoo si Latayada nga usa ka organized crime group ang mi-atake sa tindahan sa mall ug nga ang maong grupo wala naka base sa dakbayan sa Tagum diin mao usab kini ang ilang gipanubayan hangtod ning tungora.
Segun sa hefe sa kapulisan, aduna pa usab silay imbitahon nga pipila ka kanhi empleyado nga natangtang sa trabaho diin nagduda ang mga imbestigador nga posibling adunay migiya sa mga suspect nga mas suheto sa tindahan.
Gi-secure na usab sa kapulisan ang mga kuha or footages sa CCTV camera aron masusi ang dugang detalye sa krimen.
Paningkamotan sa Tagum PNP nga masang-at ang kaso nga pagpanglungkab batok sa mga suspects sa labing madaling panahon.
RadyoMaN Joel Viray
