Davao City – Andam ang kapulisan nga muhatag sa serbisyo alang sa ipatumang seguridad sa giingong payout schedule sa Rigen Wellness 2.0 ugmang adlawa, Agosto 15, 2019.
Sa interbyu sa DXDC RMN Davao kang Police Captain Anjanette Tirador, spokesperson sa Tagum PNP, gibutyag niini hinuon sa pagkakaron, anaa sila sa alert sa status diin gilayong ma-respondehan ang unsa mang kagubot ug insidente sa dakbayan sa Tagum.
Gibutyag usab ni Tirador sa wala pa nakig-koordinar ang management sa Rigen sa pag request ug pwersa sa kapulisan alang sa seguridad diin walay pa usay kasayuran ang kapulisan kung asa ipahigayon ang maong giingong payout.
“Rest assured nga ang atoang mga mobile patrol naka position sa mga designated nila nga area para og naa may reponde dali ra sila maka proceed sa ilang area of concern,” saysay ni Tirador.
Nasayran nga saad sa CEO sa maong investment scheme nga si Paul Auditor, 3,000 ka mga accounts nga mahatagan sa ilang refund sa ilang gi-invest nga kwarta.
Kahinumduman nga sa milabay nga adlaw, nangayo og security assistance ang usa usab ka investment company nga Jogle Innovative Marketing human sa ilang gipahigayong panagtapok sa usa ka lugar sa Tagum City.
RadyoMaN Kirby Manzon
