Davao City- Dili magpasaka og kaso ang mga kabanay sa biktima ngadto sa kumpanya sa bus sa nahitabong bangga sa Tagum City niadtong adlawng Sabado, Pebrero 24.
Sa interbyu sa pipila ka mga kabanay sa biktima sa DXDC RMN Davao, sumala nila nga nagpasalig ang Metro Shuttle bus nga muabagar sa mga gastuhonon ug kinahanglanon sa pagpahiluna sa patayng lawas sa mga biktima.
Kahinumduman nga nagbangga ang usa ka bus ug motor atubangan sa usa ka gasoline station sa Magdum, Tagum City niadtong adlawng Sabado resulta sa pagkamatay sa upat ka mga biktima.
Sa report gikan sa Davao Regional Medical Center ang mga biktima giila nga mao sila si Temotio Albaranno, 21 anyos nga taga-Purok 4 Brgy. New Balamban, Johnrey Rowena Amamio, 25 anyos taga Lupon Davao Oriental, Leomar Colas, 13 anyos ug Leonilo Colas, 30 anyos nga pulos nagpuyo sa Tagum City.
RadyoMaN Renz Barbarona
