Talaingod luwas na sa ‘pangayaw’

37

Davao City – Gilauman nga mubalik na sa normal ang operasyon sa siyam ka mga tulunghaan nga nanirado sa may Talaingod, Davao del Norte karong semanaha human sa hulga nga ‘pangayaw’ kun vendetta killing ngadto sa mga magtutudlo sa Department of Education (DepEd).

Atol sa gipahigayon nga AFP PNP presser, gibutyag ni Febie Graza, Information Officer sa Talaingod Davao del Norte nga nagpulong na si Talaingod Mayor Jonnie Libayao uban ang mga ‘datu’ or tribal chieftains sa maong lugar aron tukion ang maong hisgutanan.


Saysay ni Graza nga karong adlawa, July 24, hinay-hinay nang gidala ang mga magtutudlo sabay sa mga datu paingon sa mga tulunghaan diin anaa usab ang presensya sa mga militar sa kadalanan aron maseguro nga luwas kini.

Nasayran nga dunay 29 ka mga magtutudlo ug 1,003 ka mga estudyante ang apektado sa maong impormasyon.

Samtang giklaro ni Graza nga wala nagmando si Libayao og kanselasyon sa mga klase apan usa lamang ka hangyo sa DepEd nga dili usa paadtoon ang mga magtutudlo sa tulunghaan alang ra usab sa ilang kaluwasan.

Ang siyam ka mga tulunghaan nga miundang usa sa pag operate mao ang Kilometer 25 Elementary School, Kilometer 31 Elementary School, Dulyan Integrated School, Pong-pong Elementary School, Sambulongan Elementary School, Lomondong Elementary School, Central Baugan, Kamingawan Elem School, ug Mirato Elem School.

RadyoMaN Jason Amisola




Facebook Comments