Davao City – Adunay hulga daan matud pa ang kinabuhi sa gipusil-patay nga outgoing kapitan sa Brgy. Talandang, Tugbok District nga si Reynaldo Dumagan nga gipusil alas 2:20 sa hapon kagahapon sa Brgy. Magtuod sa siyudad sa Davao.
Sa pakighinabi sa DXDC RMN Davao kang Cinderela Dumagan, anak sa outgoing kapitan ug umaabot nga kapitan sa maong barangay nga aminado siya nga adunay mga hulga ang iyang amahan.
Gisaysay pa niini nga samtang nagsakay sila ug sakyanan sa disaster response vehicle gikan sa ilang barangay padulong sa airport, adunay nagpondo nga pula nga pick-up pag-abot nila sa nahisgutan lugar dayon sila gipamusil.
Gawas sa kapitan, patay usab ang driver sa gisakyan niini nga Fernando Suganod.
Sa karon, padayon pang ginaimbestigahan sa kapulisan ang maong panghitabo.
RadyoMaN Don Pulayao
