Nagpatigayon sang protesta kaina sa atubang sang talatapan sang Energy Regulatory Commission (ERC) ang consumer group nga Pinoy Aksyon for Governance and Environment (Pinoy Aksyon) para iduso ang pag-akto sa mga reklamo nga gionpabot sang mga consumer sa ahensiya batok sa distribution firm nga Panay Electric Company (PECO).
Suno sa Pinoy Aksyon nga isa ka independente nga advocacy kag think tank group, madugay n nga ginpalab-ot sa ila sang mga konsumidor sa Iloilo City ang reklamo batok sa PECO, ang naga-isahanon nga power supply distributor sa lugar. Ila na ini nga ginpaabot sa ERCapang wala sang aksyon rason nga ginpakamayo nila nga magpatigayon sang protesta para pukawon ang ERC kag indi lang pagpungku-an ang reklamo sang mga kunsumidor.
Pila sa ginpadangat nga reklamo sa sang mga PECO consumers sa ERC ang sobra-sobra nga pagpanukot sang kompaniya nga nagasaka sa halos 1,000 porsiyento, ang masami nga nagaluntad nga brown out, delikado kag guba-on nga mga poste sang kuryente kag arogante nga mga personnel apang ila ginkasubo nga tubtob subong wala sa gihapon sang aksyon nga ginhimo ang ERC.
Suno sa kay Pinoy Aksyon Chairperson Bency Ellorin nga sobra na ang pag-antus sang mga electric consumers sang PECO sa indi manami nga serbisyo sini, sa halos 90 ka dekada nga serbisyo sang PECO wala ini nagaupod sa panahon kag nabayaan na ini sang iban nga mga distribution companies samtang nga nagapangulihi man ang Iloilo pag-abot sa pag-angkon sa mayo nga power supply.
Pahayag pa Ellorin nga husto lang nga ginpadangat sang mga kunsomidor ang nabatyagan nga kabudlay sa Kamara kag sa Senado para indi na pag- I renew ang prangkisa sang PECO. Suno pa sa iya suportado sang ila grupo ang panawagan bangud nga sa malawig nga tinuig wala pa maresolba sang utility firm ang ila kapalpakan, gani dpat lang nga kakas an na ini sang prangkisa kag ilisan. “we are in solidarity with the power consumers of Iloilo”pahayag ni Ellorin.
Maluwas sa ERC, nauna na nga nagpalapit sa Kamara ang mga kunsomidor sang PECO sa diin isa ka petisyon ang ginpasa sa House Committee on Legislative franchises nga nagahinyo nga paboran sang mga mamalidha ang House Bill 6023 nga nagahinyo nga indi na pag-irenew sa dugang nga 25 ka tuig ang prangkisa sang PECO.
Ginhangkat man ni Ellorin ang ERC nga usisa-on ang operasyon sang PECO sa syudad sang Iloilo kag kon matuod ini nga nagasunod sa ila nga katungdanan bilang naga-uyat sang public utility franchise.“we are calling the ERC to exercise its mandate as a regulatory agency, by looking in the public utility franchise of Peco, which to start with is based on ‘comfort and convenience.’ ERC should look whether Peco is following to the letter its franchise as a public service provider or not. As a company engaged in delivery of public service, they should put first the interests of their consumers, and not just their bottomline or profit,”ang katapusan nga pahayag ni Ellorin.
