Davao City – Makonsidera sa Talikala Incorporated nga adunay ‘failure’ kun kapakyasan ang Duterte administration sa Coronavirus Disease 2019 (COVID-19) response.
Sa interbyu sa DXDC RMN Davao kang Jeanette Ampog, Executive Director sa Talikala-Davao, gibutyag niini nga subay sa ilang survey daghan ang wala nakasabot sa COVID-19 ug bisan ang kakulangan sa edukasyon sa bakuna batok sa virus.
Matud ni Ampog, bisan sa mga protocols nga gina-implementar, wala kini nag-awhag og positibong kinaiya, inay kahadlok nga madakpan tungod sa mga palisiya nga ginapatuman.
“Kulang gyud ‘tong orientation pero daghan ang bawal. Bawal ‘ni, bawal ‘ni. Puro bawal, prohibition rather than positive note unta gani para mas ma-encourage ang mga tao to really practice health protocols para dili matakdan. Dili kay mag-practice tungod kay mahadlok madakpan,” segun ni Ampog.
Sa scale nga 1-10, anaa sa 5 ang nahimong grado ni Ampog tungod sa padayong problema sa nasud sama sa peace and order, war on drugs, freedom of expression ug bisan ang pagtaas sa presyo sa nag-unang panaliton diin nanghinaut ang Talikala official nga kini masolusyonan.
RadyoMaN Kirby Manzon
