Sa interview kang Carina Sajonia, Talikala Program Coordinator atol sa ‘Straight to the Point’ program uban si RadyoMaN Misel Miral-Galve, iyang gibutyag nga sa 15 ka kaso, 11 niini sexual abuse (rape) cases nga nahitabo mismo sulod sa panimalay kung asa sagad perpetrator mao ang amahan, uyoan o paryente ra sa biktima.
Gawas sa sexual abuse, duna usay natalang 4 child trafficking ug online sexual abuse cases ang organisasyon, matud ni Sajonia.
Gipasabot niya nga usa sa mga lakang nga ginahimo ang Talikala mao ang pagpailawom sa biktima sa psychological intervention aron siya mamahimong andam nga atubangon ang legal nga proseso.
“Sa Talikala, ang among unang buhaton pag muduol sila diri. Unahon gyud namo og process ang biktima para mabalik ang respeto sa iyang kaugalingon. Amoang gina-prepare una ang bata para pag-abot niya sa kaso sa korte, ready siya,” saysay ni Sajonia.
Gipasabot sa Talikala official ang kamahinungdanon sa responsibilidad sa mga ginikanan ingon man sa gobyerno aron aron nga mapanubag sa balaod ang mga responsable sa maong matang sa pagpangabuso.
“Kung dili makaprotekta ang parents, ang government muhimo og aksyon o lakang para maprotektahan ang mga bata kay state obligation mana. Ang parents ani tingala wala nakahibalo unsa ang mga balaod ug pwede buhaton,” sulti ni Sajonia.
RadyoMaN Kirby Manzon
