Giila ang biktima nga si Raymund Quiamco, 31 anyos ug taga-Prk. Fatima La Paz Carmen, Davao Del Norte.
Sa interbyu sa DXDC RMN Davao kang Police Major Jakes Goles, Station Commander sa Bunawan Police Station, padulong Panabo nga dalan ang biktima samtang pasulod usab sa dakbayan ang Truck Sinutruk Dumptruck nga gidrayban ni Jay Ar Espinosa, 31 anyos nga taga-Doña Andrea, Asuncion, Davao Del Norte.
Matud ni Goles, ni-counterflow ang motor ug nibangga kini sa kasugat nga truck.
Sa kakusog sa impact sa disgrasya napasok kini ilawom sa truck ug nakahiagom og serious injuries.
Gideklara kining patay sa Central 911 Paramedics Responder.
Kasong Reckless Imprudence Resulting in Homicide and Damage to Property ang ipasang-at ngadto sa piskalya sa truck driver nga anaa karon sa custodial facility sa Bunawan Police.
RadyoMaN Aimee Guinita
