iFM Laoag – Tallo nga empleado ti Department of Agrarian Reform – Ilocos Norte ti nai-promote itay laeng kallabes.
Dagitoy ket isuda Marilyn B. Bumagat, Teresita Glynis A. Galacgac ken Gina M. Ruiz.
Ni Bumagat ket dati nga Administrative Officer III ti DAR Ilocos Norte ngem isuna itan ti Administrative Officer IV iti nadakamat nga opisina.
Sigud met nga Agrarian Reform Program Technologist da Galacgac ken Ruiz, ngem agpadada a nai-promote nga Agrarian Reform Program Officer I.
Kabayatanna, nadutukan met a kas baro a permanente nga empleado ni Clyde Russel M. Gaces.
Nagserserbi ni Gaces iti DAR Ilocos Norte babaen iti *contract of service*, ngem naikkanen ti takem a kas Administrative Assistant VI.
Naiwayat ti oath-taking da Bumagat, Galacgac, Ruiz ken Gaces babaen kenni Provincial Agrarian Reform Program Officer II Vic M. Ines.
Dagiti uppat ket dimmalan iti naiget a “selection process” sakbay a naited kadakuada ti baro a takemda iti gobierno. (detalye ni Jorge Guerrero)
Bernard Ver, RMN News
