Davao City – Tulo ka mga tigpayuhot og iligal nga droga ang malampusong nasikop sa awtoridad atol sa gilusad nga managlahing buy-bust operations dinhi sa dakbayan sa Davao.
Sa unang operasyon nga gilusad sa Bunawan PNP nahitabo alas-5:00 Martes sa hapon, April 2, sa Purok Durian, Maximina Village, Brgy. Magugpo East, Tagum City, na aresto sila Jamel Condar alyas ‘Jamel’, 27 anyos, usa ka DVD vendor, ug si Alicor Macapaar alyas ‘Ali’, 24-anyos, usa ka laborer, parehong residente sa maong lugar.
Narekober gikan sa mga bag-ong drug personalities ang gituohang shabu nga mobalor sa P50,000 ug ubang drug paraphernalia.
Samtang arestado usab atol sa gilusad nga buy-bust operation sa Talomo PNP alas-9:00 Martes sa gabii, April 2, ang usa ka tricycle driver tungod sa alegasyong pagpamaligya’g marijuana nga adunay street value nga P60,000 nahitabo sa Purok 25 Gardeña St. Peoples Vill. Maa, ning syudad sa Davao.
Naaktuhang namaligya og tunga sa kilo sa gituohang pinaugang dahon sa marijuana gamit ang P12,000 nga marked money ang suspek nga si Vergil Seban alyas Angkol, 40-anyos, nagarenta sa Peoples Vill. Maa ug netibo sa Taragona Mati, Davao Oriental.
Ang mga dinakpan balhug na sa nagkadaiyang Police Stations samtang gihikay ang kasong kalapasan sa Sec. 5 ug Sec. 11 sa Republic Act 9165 kun Comprehensive Dangerous Drugs Act of 2002.
RadyoMaN Jason Amisola
