Talomo police aduna nay lead sa mga suspek nga nangransak sa grocery store

*Davao City- Dili muubos sa duha ka mga tulisan ang gilantaw sa kapulisan nga niransak sa grocery store sa Puan ning dakbayan sa Davao.*

*Gibutyag ni Police Major Rosario Aguilar, Talomo Police Station Commander, aduna na silay lead sa krimen. *

*Ginasubay nila ang mga cctvs sa ubang establisyamento aron sa makuha nila ang mga dagway o identity sa mga suspek. *

*Nanukad pa sa manhole gikan sa kalsada ug ug gibangagan sa mga suspek ang flooring nga lapos sa pharmacy aron magsilbi nilang agianan. *

*Mobalor sa P400,000 nga cash gikan sa safety box ang nadagit sa mga tulisan lakip na ang mga kwartang unod sa gipangguba mga ATM machine ug Pay and Go Loading machines.*

*Nanawagan si Aguilar sa publiko ngadto sa mga adunay impormasyon o kahibalo sa robbery incident nga makigkooperar kanila alang sa paspas nga pag-identipika ug pagkasikop sa mga suspetsado.*

*RadyoMaN Aimee Guinita*