Davao City – Andam na ang mga residente sa Brgy. Talomo Proper nga modawat sa ilang cash assistance karong adlawa alang sa himuong pay-out pinaagi sa Social Amelioration Program gikan sa lokal nga panggamhan sa syudad.
Kini maoy pamahayag ni Barangay Kapitan Bindor Calamba atol sa interbyu sa DXDC RMN Davao kaniya diin matud pa kapin 11,000 ka pamilya sa iyang barangay ang gigahinan sa Department of Social Welfare Social Development (DSWD) nga modawat sa maong cash assistance samtang kapin 11,000 usab ka mga pamilya ang wala makaapil .
Gipasabot ni Kapitan Calamba, gi-sumite gihapon niya sa DSWD, ang mga pangalan sa wala maapil aron matagaan og pagtagad sa gobyerno tungod kay apektado usab sila sa krisis nga dala sa coronavirus disease (COVID-19 Pandemic).
RadyoMaN Don Pulayao
