Davao City – Aron dili na madugangan pa ang makalas nga kinabuhi sa mga frontliners kontra COVID-19, gikinahanglan kaayo ang pagbaton sa kooperasyon sa tanan aron malikay sa maong balatian.
Sumala ni Prof. Adrian Tamayo Mindanao Development Authority (MinDA) Media Relations Officer, usa kini ka ‘invisible enemy’ nga mikaylap sa bisan asang lugar sa kalibutan, busa gikinahanglan dinhi ang pagtuman sa mga tawo sa mga guidelines nga gipagawas sa gobyerno usa na niini ang physical o social distancing, pagpuyo sa balay, pagpakusog sa immune system ug uban pa aron dili mosamot pagkuyanap ang maong sakit.
Aron marekognisa ang paningkamot sa mga frontliners, angay silang hatagan og igong suporta sa ilang mga gikinahanglan ilabi na sa kagamitan ug pag-ila kanila sa ilang kaisog diha sa pag-atubang sa maong health emergency aron madepensahan ang katawhan.
RadyoMaN Bernard Pantallon
