Quezon City – Isasara na rin para sa mga motorista ngayong araw ang Tandang Sora fly-over sa Quezon City.
Gigibain na ang tulay para bigyang daan ang pagtatayo ng Tandang Sora station ng MRT Line 7.
Kapag isinara na ang fly-over, hindi na makakatawid ng Commonwealth Avenue ang mga galing sa Tandang Sora Avenue.
Sa abiso ng MMDA, ang mga papuntang Katipunan ay maaring kumanan sa Commonwealth at mag-u-turn sa bahagi ng Microtel.
Kung pupunta naman sa Tandang Sora mula Katipunan ay pwedeng mag-u-turn sa C.W. Home Depot o kaya naman sa Diliman Doctors Hospital.
Maari ring dumaan sa Luzon Avenue, Congressional Avenue at Republic Avenue.
Tuloy-tuloy naman ang clearing operations upang maibsan ang pagsisikip ng trapiko sa lugar.
Facebook Comments
