Davao City – Wala pay motibo nga gipagawas gikan sa kapolisan sa Sta. Ana sa pagpusil patay sa usa ka tricycle driver ug tanod nga nailang si Noel Milioneda, 44 anyos, alas 3:00 sa hapon (September 7, 2020) sa Ponce-Suazo Street, syudad sa Davao.
Subay sa report sa Presinto Uno, wala pay matudlong suspek sa maong krimen.
Tungod niini gipalawman pa ang pagtuki sa kaso aron mailhan ug madakpan ang suspetsado.
Samtang gipaklaro usab ni Brgy. 23-C Kagawad Mamerto Cadungog human nahinabi sa DXDC RMN Davao nga ang biktima usa ka Barangay Tanod sa ilang Barangay.
Nahinabi usab sa DXDC RMN Davao ang witness nga si Ken ken Campaan ug gibutyag niini nga nagsakay sa single motorsiklo ang wa mailang suspek nga mipusil kang Milioneda nga miresulta sa iyang kamatayon human nakaangkon og samad pinusilan sa nagkadaiyang bahin sa lawas.
RadyoMaN Don Pulayao
