Davao City – Nakita sa usa ka sapa ang patay’ng lawas sa usa ka barangay tanod nga si Dalia Sinon Sanchez, 39 anyos, residente sa may Purok-28 Inayangan, Calinan district ning siyudad.
Nakadawat og report ang kapolisan sa Calinan gikan sa kapitan sa maong lugar bandang alas 2:00 sa sayong kadlawon sa miaging adlaw.
Nakita gikan sa patay’ng lawas sa biktima ang mga samad ug bun-og dapit sa may ulo sa biktima nga maoy usa sa hinungdan sa kamatayon niini.
Sa rekord sa Calinan PNP, ulahing nakita ang biktima kaniadtong Abril 18 alas 11:00 sa ulahing kabuntagon sa ilang balay diin gipakaon ang iyang binuhing baboy nga nahimutang sa may sapa nga bahin, 300 ka metros ang gilay-on gikan sa ilang pnimalay.
Sa pagpangita sa mga kabanay niini, nakaplagan nalang nga wala nay kinabuhi ang biktima.
Dugang sa mga kabanay nga naapil og kawala ang P20,000 nga kwarta niini nga gibutang sa pitaka sa biktima.
Gilayon gidala sa Angel Funeral parlor ang lawas sa biktima samtang kapolisan naghimo na og follow-up investigation alang sa pag-ila sa responsible niini.
RadyoMaN Paul Canono
