Tanod nga gipusil-patay sa mati, giingong ‘mistaken identity’

Davao City – Laing anggulo ang gitutokan karon sa kapulisan sa Mati City, Davao Oriental sa pagpusil sa usa ka Barangay Tanod nga si Nicholas Cosicol sa Barangay Sainz niadtong Oktubre 10, 2023.

Sa interview sa DXDC RMN Davao kang Police Major Al Anthony Gumban, Officer-In-Charge sa Mati City Police Station, iyang gibutyag nga posibleng target sa pagpamusil mao si Barangay Sainz Kagawad Ramil Valera, human nga kini aktibo sa kampanya sa iligal nga droga sa ilang lokalidad.

Posibleng personal grudge ang motibo sa krimen human nga silingan ra sa kagawad ang nadakpan sa droga.

“Possible didto nga mistaken identity ang nahitabo nga pagpamusil kay pareha man sila (ang kagawad) og gisuot atong Barangay Tanod nga green ang uniform unya naa pud sila didto ato nga time. Nakahawa lang siguro siya mga pila ka oras ang pagitan then mao poy pagpamusil,” saysay ni Gumban.

Matud sa official nga pagkakaron, adunay nay mga person of interest nga gitutokan ang otoridad, sa tabang usab sa mga nakasaksi sa insidente nga hugot ang koordinasyon kanila.

RadyoMaN Kirby Manzon