Sa interview gibutyag ni PEMS Alexander Calma, sa Malaybalay City Police Station nga nakaandam na ang ilang mga personahe nga ipaga-deploy sa nagkadaiyang key areas sa dakbayan ilabi na sa Poblacion Barangays aron pagsiguro sa kaluwasan sa katawhan.
Matud niya nga prioridad kini nila ilabi na karong panahon sa Campaign Period.
Gikinahanglan usab nila ang suporta ug koordinasyon sa katawhan nga mapabilin ang kahusay ug kalinaw sa siyudad.
Giangkon usab ni PEMS Calma nga kulang ang kasamtangang pwersa sa kapulisan sa siyudad apan dunay augmentation nga ilang madawatan gikan sa mga nagkadaiyang unit sa polisya ilabi na sa Provincial Headquarters.
Sa karon, padayon ang pagmonitor sa palibot sa kapulisan ug gipanghimangnu nga mamahimong mureport sa ilang buhatan panahon nga adunay mamatikdang dautang lihok gikan sa mga kadudahang indibidwal.
Mamahimo matud pa nga mukontak sa PNP Malaybalay hotline number 09268218803.
