Tanod patay sa pagpamusil sa usa ka CAFGU

31

Usa ka baranggay tanod ang nakabsan sa iyang kinabuhi human gipusil sa usa ka CAFGU sa may Baranggay Cauyonan sa lungsod sa Opol, Misamis Oriental.

Matud pa sa taho ni Chief Insp. Dennis Flores, commander sa kapolisan sa lungsod sa Opol nga nailhan na nila ang namatay sa maong pagpamusil nga si Fausto Castillon, 56 anyos ug usa ka tanod sa Cauyonan.

Samtang nailhan usab ang suspek sa maong insedente nga matud pa usa diay ka CAFGU. Si Felomino Jabien aka Toto nga lumolupyo sa Baranggay Tumpagon ning
syudad.

Matud pa ni Flores nga didto na nila nadakpan si Jabien sa usa ka CAFGU outpost sa Baranggay Tumpagon niadtong niaging adlaw.

Sa maong pagka aresto nakuhaan usab ang suspek ug usa ka hinagiban nga M16 nga rifle. Gumikan niini miangkon ang suspek nga si Jabien nga matud pahubog sya niadtong mga panahon nga napusilan niya si castillon.

Sa pagkakaron detinado ug naka andam na ang mga kaso batok kang Jabien.

 

Facebook Comments