Roxas City, Capiz- Nangin madinalag-on ang ginpatigayon nga KBP Broadcastreeing sa Sitio Kataw Brgy. Santa Cruz, banwa sang Ivisan sang nakaligad nga adlaw sang Sabado, Agosto 18, 2018.
Ini ang ginpasakopan sang mga local broadcasters nga accredited members sang Kapisanan ng mga Brodkaster ng Pilipinas (KBP) – Capiz Chapter, mga estudyante halin sa pila ka mga eskwelahan sa Roxas City kag iban pa nga mga grupo kun sa diin kabug-osan nga 250 ka mga seedlings sang acacia tree ang natigayon nga matanom.
Ang nasambitan nga tikang ang kabahin lamang sang kontribusyon sang Kapisanan ng mga Brodkaster ng Pilipinas sa programa sang gobyerno nga mapreserbar ang palibot pinaage sa pagtanum sang mga puno sang kahoy.
Nahibaloan nga sa tagsa ka tuig ginapatigayon ang nasambitan nga aktibidades.
