Linamon ,Lanao del Norte- Patay ang usa ka drug pusher dihang misulay kini og sukol sa mga pulis nga mosikop unta kaniya atol sa usa ka drug buy- bust operation sa Barangay Bosque, lungsod sa Linamon, Lanao del Norte, niadtong nakalabay’ng gabii.
Giila sa pulis ang suspek nga si Erwin Cadiz, 37 anyos, minyo, taga-Purok 5, Barangay Samburon, sa nasangpit nga lungsod.
Matud pa ni Senior Inspector Teodorico Gallego, hepe sa Linamon Municipal Police Station, unang namusil si Cadiz, gamit ang iyang kalibre 38 nga pistola, dihang nadiskubrehan nga mga pulis ang iyang ka-transaksiyon.
Tulo ka igo-pinusilan ang naangkon sa suspek nga maoy hinungdan sa iyang hinanaling kamatayon.
Matud pa ni Gallego, nasikop ug nabilanggo na kaniadto si Cadiz sa susamang operasyon sa kapulisan sa Linamon, apan nakagawas kini tungod sa plea-bargaining agreement sa korte.
Nagtoo, matud pa, ang pulis nga mi-undang na kini sa pagpamaligya’g droga apan nasayran nga mas milapad paman hinoon ang iyang area of distribution.
Nakuha gikan sa iyang gidala nga bag ang usa ka granada, upat ka managlahing gidak-on nga sachet nga adunay sulod nga sa gituohang shabu, mga bala sa armas ug cash nga lakip na ang buy- bust money nga 500 pesos.
Na-recover usab ang gamit niini nga pistola. (Divina M . Suson)
| | Virus-free. www.avast.com |
