Tapaz, Capiz – Isa ang Tapaz PNP sa mga ginpasidunggan sang nakaligad nga adlaw sa Capiz PPO bangud sa masangkaron nga kampanya kontra loose firearms humalin sang ginlunsyar ang “Oplan Tokhang Kontra Ginadilian nga Pusil” sang Hulyo 2018.
Suno sa hepe sang Tapaz PNP nga si Police Captain Edwin Luces, gin-modify nila ang pagpatuman sang nasambitan nga programa kun sa diin ila nga gin-imbolbar ang mga barangay officials.
Suno diri nga sa bulig sang DILG- Tapaz kag suporta sang administrasyon ni Mayor Nonong Palomar, ginpatawag ang mga punong barangay kag ginpromisa sang mga ini ang bug-os nga suporta sa nasambitan nga programa sang PNP.
Ini naman ang rason nga nangin positibo ang resulta kun sa diin madamo ang nagsurrender sang mga armasluthang nga expire na ukon wala sang lisensya nga mga pusil.
Nahibaluan nga nagapangaduha ang Tapaz PNP sa mga police stations sa Western Visayas nga may yara sang pinakadamo nga nasurrender nga armasluthang sa kapulisan.
photo(c)- Pulis Tapaz
