General Santos City—Sikop sa gipahigayon nga operasyon sa PDEA-12 uban ang South Cotabato Provincial Police Office ang usa ka target listed personality.
Sumala ni Kath Abad, tigpamaba sa PDEA-12 nga alas 4:00 ang takna sa hapon dihahg gihimo ang operasyon sa Brgy. Avanceña, Koronadal kung asa target mao si Roy Mondana, alias Roy, 36 anyos nga residente sa maong lugar.
Dugay na matud pa nga nahilambigit sa illegal nga droga ang suspek rason nga dugay na kining na-monitor.
Dugang pamahayag ni Abad nga gawas sa Koronadal, abot sa Tampakan, Banga ug Lutayan ang pagpamaligya niini sa illegal nga droga. Nakuha gikan sa posisyon sa suspek ang buy-bust money ug usa ka sachet sa gituohang shabu.
Kung asa posible matud pa nga nahurot na niini sa pagbaligya ang ubang supply niini atol sa quarantine.
Kasong pagsupak sa Section 5 sa R.A 9165 ang atubangon sa nasangpit nga dinakpan.(LVR)
