Target nga P2.1 billion collection sang Provincial Treasurers Office subong nga tuig, posible indi na suno pa malab-ot, mga taxpayers ginaremind sa deadline sa paghatag sang diskwento sa RPT.

Posible indi na nila malab-ot ang target nga P2.1 billion collection subong nga tuig, suno kay Provincial Treasurer Alvim Batol tungod sa natuga nga epekto sang COVID-19 pandemic sa mga taxpayers kag sa mga establishemento.

Suno kay Batol ini tungod bisan ang mga nagarenta sang pwesto sa mga economic facilities sang provincial government ang temporary nga nagsarado sang ginpatuman ang enhanced community quarantine rason nga wala nakabayad sang rental.

May-angot sini, iya ginaremind ang mga taxpayers sa probinsya nga tubtob na lang sa Hunyo 30 subong nga tuig ang paghatag sang provincial government sang diskwento sa mga balayran sa real property tax base sa ginpasar nga ordinansa sang Sangguniang Panlalawigan.